Che cha nus cuschinain

Buna charn ha dabsögn da buns recepts, e nus amain da prouvar

oura roba nouva o da pudair giodar roba cumprovada.

Quia diversas inspiraziuns per vossa prossma tschaina delizchusa.

Vivat fingià prouvà oura alch? Dit a no co chi s‘ha plaschü.


 

 

 

 

 

Beef Brisket Burger

 

 

Per 4 burgers douvrast:

4 panins da burger

föglias da salata

tschiguollas

cucumerins

majonesa

coleslaw (verer recetta suotvart)

 

Per la charn d’bouv:

1 kg rost (il melder da spadla)

2 tschiguollas

 

Per la marinada:

2 sdunins puolvra da paprica

1 sdunin sal

2 sdunins paiver

2 sdunins paiver da Cayenne

4 sdunins zücher brün

1 sdunin sempulè

300ml aschai da maila

100g sosa da Worcester

50g mustarda

100g marc da tomata

500g sosa da BBQ (vair rezetta suot o cumprar)

 

 

 

 

Preparaziun:

1. Il melder marinar la charn il di avant. Per

la marinada masdar tuot ils ingrediaints in üna gronda coppa. Tagliar la charn in 3 tocs listess gronds e struschar aint bain culla marinada. Metter aint in

s-chaffa fraida.

2. Metter il fuornin sün 80 grads (Umluft). Far giò la pletscha, tagliar grob e metter sül fuond d’üna fuorma cun sü öla la tschiguolla. Lura sparpagliar il rest da la marinada sülla charn missa illa fuorma. La charn dess esser aint il fuornin per circa 6 uras, uschè lönch fin ch’ella va da tour ourdaglioter culla furcletta. Lura laschar la charn our dal fuornin amo illa sosa.

3. Schmezzar ils panins e strichar aint cun painch. Metter cuort illa padella, fin chi sun bel brünins.

4. Metter insembel ils burgers co chi’s ha cuaida e tils giodar.

 

 


Sosa da BBQ

4 troclas tomatas splechadas

250g tschiguolla, splechada e tagliada in quaderins

40g agl, splechà e taglià

40ml öla

300g zücher

200ml aschai da vin cotschen

80ml sosa da Worcester

160ml sü d’orandscha

300ml cafè

60g meil

sal

 

1. Far passar las tomatas tras ün cribel e

tschüffer sü la sosa. Lura chavar las tomatas.

2. Brassar ün zich la tschiguolla in öla. Metter pro il zücher e laschar caramellisar.

3. Masdar l’aschai, la sosa da Worcester, la sosa da tomatas, il sü d’orandscha ed il cafè. Stüder cun quai il zücher. Metter prò il meil e laschar couscher

fin chi sumaglia da la consistenza a sirup.

4. Metter prò las tomatas e laschar couscher cun chalur mezdana per circa ün’ura, fin chi s‘ha la consistenza giavüschada.

 

 

Coleslaw (raw marinated)

Per 4 porziuns:

¼ versa alba, tagliada in striblas finas

1 sdunin sal

1 sdunin zücher brün

1 carotta, splechada e tagliada in striblas finas

150ml aschai da vin alb

80g zücher

2 sduns öla

 

1. Masdar la versa cun sal e zücher in üna coppa e laschar trar per circa ün’ura.

2. Laschar couscher sü l’aschai cun zücher e laschar sfradir giò.

3. Sveltin laschar cular aua sur la versa e tilla schmachar oura. Metter prò carottas, la marinada d’aschai ed öla. Masdar.

 

 



Borschtsch

Per 4 persunas douvrast:

2L brouda da charn o aua

800g charn da bouv tagliada in quaderins (charn a less o fratem)

1 tschiguolla intera, splechada

2 föglias d’urbaja

200g versa alba, tagliada in striblas finas

150g mailinterra, tagliada in quaderins

200g rona (cotta)

1 sdun marc da tomatas o 2 tomatas tagliadas in quaderins

1 sdun zücher

1 sdun aschai

100g creme fraiche

peterschigl, sal e paiver

 

Preparaziun:

1. Couscher sü la charn in üna gronda padella cun l’aua, la tschiguolla e las föglias d’urbaja. Schi s-chüma, s-chimar.

Laschar couscher per circa 2 uras.

2. Tour oura la tschiguolla e las föglias d’urbaja.

3. Metter prò la verdüra, il marc da tomatas, zücher ed aschai. Couscher inavant per circa 30 minuts. Lura metter prò davo gust sal e paiver.

4. Borschtsch vain servi cun peterschigl e creme fraiche. Lapro s’affà ün bun toc pan frais-ch ed ün magöl Vodka :)


Cordon bleu à la Beni

Ingrediaints:

s-chalpetta ``cordon bleu``

salam picant

mozzarella

fichadaints (ca. 4 per cordon bleu)

öv

pan grattà

ün pa farina, sal e paiver

 

 Preparaziun:

1. Implir la s-chalpetta cun salam picant e mozzarella. Serrar cun fichadaints.

2. Sbatter övs e spezchar cun sal e paiver.

3. Far pront farina e pan grattà. Metter la s-chalpetta sco prüm in farina, lura i’l öv e sco ultim i’l pan grattà.

4. Metter illa padella cun öla. Attenziun, na spargnar cull’öla, uschigliö vegnan ils cordon bleus svelt nairs. Davo avair brassà as poja tampunar ils cordon bleus ün pa cun palperi da cuschina, per tour davent ün zich öla. Fich

bun lapro sun potato wedges our da padella o fuornin (lavar mailinterra, tagliar in quarts, spezchar e metter in padella o fuornin).


Liongia engiadinaisa

 

Varianta 1:

Couscher las liongias per circa 20 minuts in aua choda, na bugliainta. Laprò spaghets cun sosa da tomata, salata da mailinterra o bizochels.

 

Varianta 2:

Metter las liongias sül gril, ma na massa lönch, uschigliö vegnan las liongias süttas. Laprò üna buna salata verda o da mailinterra.

Entrecôte sül gril

 

Per 4 persunas:

800g entrecôte al toc

sal

paiver

 

Preparaziun:

Brassar la charn cun paca chalur (ca. 150 grads) e vierchel serrà per circa 35

minuts. Volver da temp in temp. Laschar posar suoglià per var 5 minuts.

Brassar la vart plü grassa ün zichin plü lönch.

Cussagl:

Laschar trar chips da laina per var 30 minuts in aua cun whisky e tils metter

sur il charbun avant co brassar la charn.

 

Onepot Cornins cun charn zappada davo la recetta da bazegner Julius

 

Per 4 persunas:

500g charn zappada

500g cornins

1 tschiguolla, tagliada sü in quaderins

1dl vin cotschen o alb

aua

föglias d’urbaja

1 pitschna trocla pürè da tomatas

sal, paiver

chaschöl grattà

evtl. tschifluns

schnics maila da nona Martha

 

 

 

Preparaziun:

1. Brassar la charn e la tschiguolla in ün zich öla o painch e spezchar.

2. Stüder cun vin.

3. Metter prò ils cornins crüjs e las föglias d’urbaja e suogliar cun aua.

4. Laschar couscher sün chalur mezdana cun sü ün vierchel fin cha l’aua es davent.

5. Masdar l‘aint il pürè da tomatas e spezchar amo üna jada.

 


Kommentar schreiben

Kommentare: 0